ضل حيطة

اسم المسرحية....ضل حيطة ولا ضل 100 رجل

اغنيه فى البدايه قبل رفع الستار

الدنيا هادية او حتى والعة

الست مسيرها ياطالق ياخالعة

لو كانت لابسة اوحتى قالعة

مش راضية بعيشتها

او راضية وقانعة

برضو مسيرها ياطالق ياخلعة

لو صلبة وعنيدة

او للكلام سامعة

برضو مسيرها ياطالق ياخالعة

ترفع الستلر على سيدة تجلس فوق مكتب تقلب فى بعض الاوراق ثم تنظر الى الساعة الموضوعة فوق المكتب....ياااه الساعة 6 الا خمسة فاضل 5 دقايق والشلة توصل عشان الاجتماع الاسبوعى لجمعية ضل حيطة ولا ضل 100 راجل واللى مش عارفين لحد النهاردة نطلع لها ترخيص...ال ايه اسم الجمعية مش عاجبهم ولازم نغيرو....نقول ايه فى التعنت ده بقى....صحيح مجتمع ذكورى...يرن جرس الباب..الشلة وصلت ..ياسلام فى الميعاد بالظبط...تفتح الباب وتستقبل عضوات الجمعية

توتة...زازيك يافوفو

فوفو...ازيك انت ياحبيبتى

توتة....اهلا ياسوسو

سوسو....اهلا ياقمر

توتة....مرحب يالولو

لولو...مرحب ياجميل

توتة...حبيبة قلبى ريرى....اهلا ياميمى....ازيك يافيفى...اتفضلو اتفضلو يااهلا ايه النور ده

فيفى وسوسو....ده نورك يا حبيبتى

ريرى....عاملة ايه ياتوتة؟؟؟من اخر مرة محدش سمعلك حس ولاخبر ايه اللى شاغلك عننا ياجميل؟؟

توتة...ابدا والله كنت بحضر لموضوع اجتماع الليلة انتو عارفين انى مبحبش اسيب حاجة للظروف

ميمى....ياترى جهزتى كل حاجة؟؟؟

توتة...طبعا ياميمى

لولو....طب ندخل فى الموضوع على طول عشان الوقت ميسرقناش زى المرة اللى فاتت

فوفو...ايوة والنبى احسن المرة اللى فاتت سمعت من بابا كلمتين ملهمش لازمة لما اتاخرت

توتة.....اوك النهاردة حناقش قضية الساعة

سوسو...هى الساعة ليها قضية؟؟؟؟ياترى رافعاها على انهى عقرب الدقايق والا الساعات

ميمى....ياه ياسوسو مش حتبطلى هذارك ده

ريرى...لو بطلت هذار متبقاش سوسو

توتة....احنا عايزين نناقش قضية الخلع وهل هى افضل ام الطلاق؟ وياترى نظرة المجتمع للست الخالعة نفس نظرته للمطلقة؟؟؟؟

لولو....متهيألى خالعة احسن على الاقل بكرامتها

فيفى...لا لقب مطلقة افضل ..يعنى المطلقة بتصعب على الناس انما الخالعة بيبوصولها على انها ست مفترقية وقادرةفوفو...مطلقة والا خالعة الاتنين محصلين بعض

لولو....على رايك وفى الحالتين احسن من لقب عانس

يتكهرب الجو للحظات حيث ان فوفو الوحيدة من اعضاء الشلة التى لم تتزوج بعد

تلاحظ فوفو توتر الجميع فتحاول تلطيف الجوفوفو....مفيش داعى للخجل انا مش متضايقة انى متجوزتش صدقونى ده احسن بكتير من انى اتجوز واتبهدل خصوصا ان احنا معندناش لا طلاق ولا خلع

ثم ان جمعيتنا اسمها ضل حيطة ولا ضل 100 راجل يعنى مش محتاجين للرجالة فى حاجة دول حتى ملهمش لزمة

ميمى....معاكى حق يافوفو ده احنا حتى بنحسدك

سوسو....تعرفو انا لو رجع بيا الزمن اختار افضل انسة على طول

فيفى...اديك شايفة نصنا متطلق والنص التانى خالع يعنى كلنا فى الهوا سوا

فوفو....طب انت خلعتى جوزك ليه يافيفى

فيفى...قطع...البعيد كان معفن بينه وبين الحمى عداوة..ال ايه النضافة نضافة الروح والنفس مش نضافة الجسد

توتة....يعنى مكانش فيه حاجة نضيفة خالص؟؟؟

فيفى...مين قال ده كان انضف حاجة فيه جيبه...انضف من الصينى بعد غسيله

يتم اظلام المسرح مع تركيز بقعة ضوء على فيفى وفوفو التى تقوم بدور الزوج

فيفى جالسة بجوار فوفو على اعتبار انها زوجها...تتأفف فيفى من رائحته..اف ايه ياراجل انت مش ناوى تستحمى بقى والا ايه؟؟؟

الزوج..استحمى؟؟؟؟ليه بعد الشر

عفيفى....عشان تنضف ياراجا

الزوج...ياحبيبتى نفسى تفهمينى النضافة نضافة الروح والنفس مش الجسد..زيعنى استحمى كل يوم وجوايا وسخ والا انضف جوايا الاول؟؟؟

فيفى...وفيها ايه لما تنضف برة وجوة؟؟؟

الزوج..فيها انى مش بهتم بالشكليات دى...دى منظرة على الفاضى بلاش كلام فارغ

فيفى....طب انا مجهزالك الحمام قوم خدلك دش

الزوج...اقولها ايه تقولى ايه...طب علية الطلاق ماانا مستحمى هة...سوسو...وانت ياريرى اتطلقتى ليه؟؟؟

ريرى..ابدا المنيل على عينه كان حبنلى شوية كان دقة قديمة فيها ايه لما كنت برجع البيت الساعة 2 بعد نص الليل؟؟؟

لولو....لاابدا مفيهاش حاجة خالص..ده كان محبكها اوى ملوش حق خالص

يتم تسليط الضوء على ريرىوتوتة التى تقوم بدور الزوج

الزوج....لسة بدرى ياهانم انت عارفة الساعة كام دلوقت؟؟

ريرى....كام يامحمود؟؟؟

الزوج....2 بعد نص الليل ياهانم

ريرى....وانت ايه اللى مصحيك لغاية دلوقت ياراجل انت مش عندك شغل الصبح بدرى؟؟

تلاقيك قاعد قدام الدش مشيلتش عينك من على النسوان....انا مش قلتلك 100 مرة تنام بدرى انت مش بتسمع الكلام ليه ياراجل...احنا مش حننفع مع بعض

توتة...وانت يالولو خلعتى ليه؟؟؟

لولو...انا بقى غيركم خالص..كان خاتم فى صباعى..يمين يمين..شمال شمال...اخرج وقت مااعوز وارجع وقت مااعوز..اشخط فيه الشخطة من دول يبقى عامل زى الفار المبلول فى ليلة شتا

فيفى....اومال خلعتيه ليه ياهبلة هو فى واحدة تطول راجل زى ده؟؟؟؟

لولو....بالعكس يافيفى انا كان نفسى هو اللى يشخط وينطر ويضرب كمان..كان نفسى احس بالامان..احس ان معايا راجل اعتمد عليه مش هو اللى يعتمد عليا
تسلط الاضواء على لولو وسوسو التى تقوم بدور الزوج

الزوج وهو يغسل الاطباق ينفلت منه طبق فينكسر

لولو...انت ياراجل مش حتبطل العادة دى كل يوم تكسرلى طبق اعمل فيك ايه؟؟

الزوج....اسف ياحبيبتى الطبق اتزفلط من ايدى

لولو....بكرة يكون عندى طقم كامل فاهم؟

الزوج...حاضر ياروحى

لولو....ياراجل نفسى تتشملل كدة وتشخط فيا شخطة تنطرنى من مكانى

الزوج...هوانا اقدر ياحبيبتى ده كان ينقطع لسانى ولا اعلى صوتى عليكى

لولو....ياربى انا خلاص مش طايقة العيشة دى

فوفو...وانت ياتوتة اتطلقتى ليه؟؟

توتة...انا بقى كان معايا راجل بيدوب فيا دوب..بيعشق التراب اللى بدوس عليه...وكان بيتمنى يرضينى بأى طريقة..لو عوزت لبن العصفور كان يجيبه

سوسو....اومال ليه اتطلقتى؟؟؟هو بطر وخلاص؟؟

فوفو.....والا هى نمردة ستات؟؟؟

توتة.....اصبرو عليا بس...العيب الوحيد اللى كان فيه انه كان بيبقى عايزنى كل يوم مكنش بيتعب ولابيشبع

تسلط الضوء على توتة وريرى التى تقوم بدور الزوج

الزوج....يلاياتوتة العيال نامت وكله تمان

توتة...انا تعبانة النهاردة ياسعيد خليها يوم تانى

الزوج...يوم تانى ايه قومى بقى بلاش كسل

توتة....مش حينفع الليلة انا عندى عذر شرعى

الزوج...ولا عذر ولا غيره انا لما اقولك عايزك تقولى حاضر ويحاول عنوة وتبدو ملامح الامتعاض على توتة...سوسو...سبحان الله انا خلعت بسبب عكس السبب ده خالصالبعيد مكنش بيقربلى ولا بيجى جنبى الا كل فين وفين..يمكن كل شهرين مرة..لما نسيت معاه انى انثى وليا مشاعر واحاسيس

فيفى...الموضوع ده بالذات لازم يكون فيه اعتدال يعنى لاهر هر ولا تر تر

تسلط الاضواء على سوسو وريرى التى تقوم بدور الزوج

سوسو....فى دلال واضح...ايه ياحبيبى مش عايز تقولى حاجة؟؟

الزوج...حاجة زى ايه؟؟؟

سوسو....يعنى..العيال نامت ومفيش غير انا وانت لوحدينا

الزوج....انا كمانحنام عشان عندى شغل الصبح بدرى

سوسو....مجتش من نص ساعة

الزوج...مش عايز انام متأخر عشان متروحش عليا نومة

سوسو....ياراجل انت بقالك شهرين مجتش جنبى

الزوج...خليهم شهرين ويومين فيه اجازة جاية فى عيد العمال نبقى نشوف الموضوع دهويضع الغطاء فوق راسه وينام
فوفو...وانت بقى ياميمى اتطلقتى ليه؟؟؟

ميمى...انا بقى حكايتى مختلفة تماما..زجوزى كان فيه عيوب كتير ومميزات كتير برضو بس عيوبه كانت اكتر...يعنى كان بيشخر وهو نايم بصوت عالى مكنتش بعرف انام....ده غير انه كان سلبى اوى..مفيش موقف نتحط فيه الا ويسكت ويضرب لخمة وانا اللى اتصرف....ومكنش بيشغل نفسه بالبيت خالص...كل اللى عليه يجيب طلبات البيت وبس..لكن ملوش دعوة بمشاكل العيال

سوسو...ياستى هو كان منقصك حاجة.؟؟

ميمى...كان منقصنى وجوده وسطينا وجود حقيقى..مش منظر...يافرحتى الاسم راجل فى البيت

يسلط الضوء على ميمى ولولو التى تقوم بدور الزوج

لولو...شفت جارتنا بوز الاخص اتعاركت معايا النهاردة

الزوج....ليه بس؟؟

لولو....المرة الناقصة شيفانى منشرة الغسيل تقوم تفرد سجادتها المبلولة على سور بلكونتها وتبوظلى الغسيل اللى سهرانه عليه طول الليل

الزوج..وعملتى ايه؟؟

لولو...مخلتلهاش وحياتك لا وايه جوزها النطع طالع يتكلم انما ايه اديته فوق دماغه

الزوج..وبعدين حصل ايه؟؟

لولو...ولاقبلين انا عايزاك توريهم شغلهم تعرفهم ان معايا راجل

الزوج...ياستى مش بتقولى انك اتعاركتى واخدتى حقك عايزه ايه تانى؟؟؟

لولو...ولا حاجة...نام..ايه الجديد يعنى ماانت طول عمرك سلبى
فوفو....تسمحولى ياجماعة انتم بتدلعوا..يعنى لو كل واحدة فيكم حاولت تحل مشاكلها وتصبر شويه كان زمانكم فى بيوتكم

توتة...ومين قال اننا ماحولناش يمكن نكون مصبرناش لكن حاولنا

لولو...بعد اللى سمعتيه ده يافوفو لو جالك عريس حتوافقى والاخلاص اتعقدتى؟؟

فوفو...انا جانى عرسان كتير بس ملقتش الصورة اللى راسماها فى خيالى

ريرى....وايه هى الصورة دى ياستى نورينا

فوفو....تغنى

عايزاه حنين وقلبه طيب

يقولى حاضر واقوله طيب

فى جرحه اداوى وف جرحى يطيب

ويعاتبنى بس بحق

ميخلنيش اقوله لا

يسهرجنبى وانا عيانه

واقلق عليه لو راح وغيب

عايزاه حنين وقلبه طيب

يقولى حاضر واقوله طيب

بعد الاغنيه يرن جرس التليفون.....

توتة.....ايوة ياماما...ايه؟؟؟بتقولى ايه... بابا طلقك؟؟طب بتعيطى ليه تعاليلى حالا ده انت اتكلمتى فى وقتك

وتسدل الستارة