عفاف

ياعفاف قبك شفاف
وهواكى عدا كل حدود
قلبك وصاف وعليكى اوصاف
ملهاش فى الدنيا وجود
انا قلبى هايم بيكى
سهران الليل يناديكى
الشوق طاير حواليكى
وعينية تشوف بعينيكى
يللى شغلانى عليكى
قلبى بهواكى مولود
ياما نفسى اضحك واغنى
واخلى ايامك كلها عيد
لا الدمع يبات الننى
ولا نخلف يوم مواعيد
ياما نفسى اخدك واطير
وافرشلك رمشى حرير
ده هواكى فى قلبى كبير
وجمالك ماله نظير
غنيت ويا المزامير
لحن الوفا والخلود
بتمنى اكونلك وتكونى
وبطول العمر نعيش
لا اخونك يوم ولا تخونى
والحزن يروح مايجيش
بتمنى تكونى فى ليلى
شمعة بتقيد قناديلى
انسى وياكى تراحيلى
واغنيلك مواويلى
وابعت ليكى مراسيلى
يللى بهواكى موعود
ياعفاف قلبك شفاف
وهواكى عدا كل حدود

من ديوان(شقاوة عمرى)