انسى

انسى اللى جى واللى فات
انسى الامل وانسى الاهات
انسى الحاجات والمحتاجات
وافتكرى بس اللحظة اللى عيشاها
وعيشى اللحظة اللى فى ايديكى وطيلاها
ان كانت حلوة كمليها
وان كانت مرة حليها
او اقتليها وادفنيها
واعتبريها ماضى اوانه فات
كام 1000 مليون واحد ماتو م اللى جى
وكام 1000 مليون عاشو فى اللى فات
ولا اللى فات تنو حى
ولا اللى جى عاش ومات
انا مش فاهم
لحد امتى نعيش فى خوف
لحد امتى
نسب ونلعن الظروف
وليه نحسبها جمع وطرح
نخلى الحزن ونمحى الفرح
ونطول التفسير والشرح
لما النقط تهرب من الحروف
لحد امتى تعيشى خايفة
واما اسالك ايه السبب
تردى مش عارفة
احسبيها
واوزنيها
حتلاقيها
اولها زى اخرها
وعاليها زى واطيها
دة ربك اللى بانيها
هو صاحب الصرفة
وانا زيك خايف
لكن مع اختلافى
لانى عارف
ان روحى فوق كتافى
وان رغم حزن الدنيا ورغم العتمة
بس بعيش الثانيه بثانية
من غير ازمة
وعارف ان اللى جى لازم يكون
وان اللى فات معدلهوش لزمة
عارفة ايه اللى فارق بينا؟
انى برسم لحظتى زى مانا عايز
حتقولى غلطان
جايز
حتقولى غلبان
جايز
لكن مبسبش لحظتى تموت
بكفايه الزمن اللى مات
وبكفايه اللى جى يموت
والا احنا عشقنا الحزن موت
خلى كلامى حكمة تعيشى بيها
جربيها
والنتيجة حتبان عليكى من غير كلام
سلام