اشرف خميس

بحبك يامصر
من يوم الجمعة ليوم الخميس
يا ام النديم واحمد عرابى
واشرف خميس
بحبك بجد
وهزار او بجد
مفيش غيرى حد
يليقلك عريس
بحبك يامصر يا ام السماحة
يا ام الصناعة واصل الفلاحة
فيكى الشقيان
وفيكى الغلبان
وفيكى اللى عايش فى عز وراحة
وفيكى الخجول وفيكى الحسيس
وفيكى اللى راضع غتاتة وتناحة
وفيكى اللى شرب ولاده البجاحة
وفيكى السهل وفيكى العويص
يا ام النديم واحمد عرابى
واشرف خميس
بحبك يامصر يا ام الكرم
يا ام النيل والليل والهرم
فيكى اللى عايش بيطحن ويفرم
وفيكى اللى عايش عشان يتفرم
وفيكى اللى يفجر ويطغى ويظلم
وفيكى اللى ياما ياعينى اتظلم
وفيكى الاصيل وفيكى الخسيس
يا ام النديم واحمد عرابى
واشرف خميس